ფოთის მუნიციპალიტეტში ახალი სასწავლო წლისთვის 9 საჯარო სკოლა გარემონტდება

ქალაქ ფოთის მუნიციპალიტეტი ახალი სასწავლო წლისთვის 9 საჯარო სკოლაში სარემონტო სამუშაოებს ახორციელებს.
ქალაქ ფოთის მუნიციპალიტეტის N-1,N-2, N-3, N-4, N-5, N-6, N-7, N-8, N-11 საჯარო სკოლებში სახურავის, სველი წერტილების, ელექტრო სამონტაჟო და გათბობის სისტემების სარემონტო სამუშაოები, სასწავლო წლის დაწყებამდე განხორციელდება.
სამუშაოების სატენდერო ღირებულება 556 782 ლარია.
2019 წელს სარეაბილიტაციო სამუშაოები ჩაუტარდა ქალაქ ფოთის №1, №3, №4, №6 და №8 საჯარო სკოლებს.
პროექტის ფარგლებში სახურავის კაპიტალური რემონტი, სველი წერტილების მშენებლობა, ეზოს კეთილმოწყობა და სხვა აუცილებელი სამუშაოები განხორციელდა.

წყარო:

ქალაქ ფოთის მუნიციპალიტეტის მერია - Municipality of Poti City