გონიოს ციხეში "რომაული ფესტივალი" გაიხსნა
21 აგვისტო, 2019 15:10
კულტურა
გონიოს ციხეში "რომაული ფესტივალი" გაიხსნა. ორი დღის განმავლობაში ფესტივალის სტუმრებს საშუალება ექნებათ იხილონ
რომაული სანახაობები და პერფორმანსები: რომაული ცეკვა, მონის მონათხრობი, გლადიატორთა ორთაბრძოლა, რომაელი ლეგიონერების საუბრები.
ასევე გაიმართება ცხენოსნობის ტურნირი დაბრკოლებათა გადალახვაში, მეთუნეებისა და ხის ოსტატების მასტერკლასები, ტურნირი მშვილდოსნობაში და ხელნაკეთი ნივთების გამოფენა-გაყიდვა.
ღონისძიების მიზანი მუზეუმის პოპულარიზაცია და საუკუნეების წინანდელი ტრადიციების გაცოცხლებაა.
ფესტივალის ორგანიზატორია აჭარის კულტურული მემკვიდრეობის დაცვის სააგენტო.
