კინორეჟისორ ლევან კოღუაშვილის ფილმის პროექტი "მეოთხე ბრაიტონი" იერუსალიმში ორივე პრიზის მფლობელი გახდა

ქართველი კინორეჟისორისა და სცენარისტის ლევან კოღუაშვილის ახალი ფილმის პროექტი “მეოთხე ბრაიტონი” იერუსალიმის სემ შპიგელის კინოლაბორატორიაში  მონაწილეობდა. სექცია work in progress – ში ორი ჯილდო იყო დაწესებული და ორივეს მფლობელი ქართული კინოპროექტი გახდა. ინფორმაციას საქართველოს კინემატოგრაფიის ეროვნული ცენტრი აქვეყნებს.

ლევან კოღუაშვილს გადაეცა ჟიურის პრიზი – 25 000 აშშ დოლარი და ფრანგული სადისტრიბუციო კომპანია ARP Selection -ის პრიზი – 25 000 აშშ დოლარი. აღსანიშნავია, რომ ARP Selection-მა ფილმის ფრანგული კინოგაქირავების უფლებები მოიპოვა.

ჟიურის შემადგენლობაში იყვნენ ცნობილი ამერიკელი და ევროპელი პროდიუსერები, ფესტივალებისა და კინოკომპანიების დირექტორები, მათ შორის სანდენსის კინოფესტივალის დირექტორი კიმ იუტანი და Sony Picture Classic-ის წარმომადგენელი მაიკლ ბარკერი.