ირლანდიის რესპუბლიკაში საქართველოს საგანგებო და სრულუფლებიან ელჩად გიორგი ზურაბაშვილი დაინიშნა
ირლანდიის რესპუბლიკაში საქართველოს საგანგებო და სრულუფლებიან ელჩად გიორგი ზურაბაშვილი დაინიშნა.
გიორგი ზურაბაშვილს აქვს საქართველოს დიპლომატიურ სამსახურსა და სხვა სახელმწიფო უწყებების მუშაობის დიდი გამოცდილება. 2014 წლიდან დღემდე გიორგი ზურაბაშვილი გახლდათ ირლანდიაში საქართველოს საქმეთა დროებითი რწმუნებული. მანამდე იკავებდა (2013-2014) საქართვლოს საგარეო საქმეთა სამინისტროს დიპლომატიური პროტოკოლის დეპარტამენტის დირექტორის თანამდებობას.
გიორგი ზურაბაშვილი1992 -2012 წლებში საქართველოს სახელმწიფო აპარატში იკავებდა მაღალ თანამდებობებს სხვადასხვა პოზიციებზე, კერძოდ გახლდათ საქართველოს მთავრობის კანცელარიის პროტოკოლის დეპარტამენტის უფროსი და სახელმწიფო მინისტრის აპარატის უფროსი.
2012 -2013 წლებში გიორგი ზურაბაშვილი გახლდათ ათასწლეულის გამოწვევის ფონდის საქართველოს აღმასრულებელი დირექტორი რა დროსაც ხელი მოეწერა საქართველოსთვის ათასწლეულის გამოწვევის ფონდის მეორე კომპაქტის 140 მილიონი დოლარის მოცულობით.
2000 წელს გიორგი ზურაბაშვილს მინიჭებული აქვს საგანგებო და სრულუფლებიანი დესპანის დიპლომატიური რანგი.
ირლანდია
