საქართველოსა და ჩრდილოეთ მაკედონიას შორის ურთიერთობების გაღრმავება იგეგმება
საქართველოსა და ჩრდილოეთ მაკედონიის რესპუბლიკის საგარეო საქმეთა სამინისტროებს შორის თანამშრომლობის მემორანდუმი გაფორმდა
დოკუმენტს, გაეროს გენერალური ასამბლეის 74-ე სესიის ფარგლებში, ხელი მოაწერეს საქართველოს საგარეო საქმეთა მინისტრმა დავით ზალკალიანმა და ჩრდილოეთ მაკედონიის რესპუბლიკის საგარეო საქმეთა მინისტრმა ნიკოლა დიმიტროვმა.
როგორც მხარეებმა ხელმოწერის ცერემონიისას აღნიშნეს, მემორანდუმი ხელს შეუწყობს ორი უწყების მჭიდრო თანამშრომლობას, რაც თავის მხრივ მოემსახურება ქვეყნებს შორის ურთიერთობების განვითარებას.
მინისტრებმა ხაზი გაუსვეს ქვეყნებს შორის სხვადასხვა სფეროში თანამშრომლობის მაღალ პოტენციალს და გამოთქვეს მზადყოფნა რომ აქტიურად იმუშაონ ამ მიმართულებით. განსაკუთრებით მაღალია ეკონომიკის, ვაჭრობის, ტურიზმის მიმართულებით ურთიერთობების განვითარების შესაძლებლობები.
აღსანიშნავია, რომ საქართველოსა და ჩრდილოთ მაკედონიის რესპუბლიკას შორის დიპლომატიური ურთიერთობა მიმდინარე წელს დამყარდა.
