ბათუმის ეკონომიკის განვითარების გეგმა საუკეთესოდ დასახელდა

ლაშა კომახიძე ევროკავშირის პროექტის ,,მერები ეკონომიკური ზრდისთვის“ სამდივნოს წარმომადგენლებს შეხვდა.

შეხვედრაზე ბათუმის მერს სერტიფიკატი გადაეცა, რომელიც მერიამ ,,ბათუმის ადგილობრივი ეკონომიკის განვითარების სამოქმედო გეგმის“ შემუშავებისთვის მიიღო. აღნიშნული გეგმა მსოფლიო ბანკის მიერ შეფასდა, როგორც საუკეთესო.

პროექტი ,,მერები ეკონომიკური ზრდისთვის“ წარმოადგენს ევროკავშირის ინიციატივას, რომელიც 2016 წელს დაიწყო.

პროექტის მიზანია ადგილობრივი ეკონომიკური განვითარება, მერებისა და მუნიციპალიტეტების მხარდაჭერა ადგილობრივ დონეზე იმისათვის, რომ აქტიურად შეუწყონ ხელი ეკონომიკურ განვითარებასა და ახალი სამუშაო ადგილების შექმნას.