ქუთაისი, თავისი არსებობის ისტორიაში პირველად, უწყვეტ წყალმომარაგებაზე გადავიდა
6 ივნისი, 2020 10:51
ეკონომიკა & ბიზნესი
ქუთაისი თავისი არსებობის ისტორიაში პირველად უწყვეტ წყალმომარაგებაზე გადავიდა. საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანიამ, აზიის განვითარების ბანკის (ADB) მხარდაჭერით, ქუთაისის წყლის სისტემის მშენებლობის მეორე ფაზა მიმდინარე წლის მარტში დაასრულა.
შედეგად, 2020 წლის მარტიდან ქალაქის 150 ათას მცხოვრებს წყალი უწყვეტად, 24-საათიან რეჟიმში, მიეწოდება.
აშენდა ქუთაისთან - გოდოგანზე ორი და მუხრანში ერთი რეზერვუარი. ასევე, მოეწყო სამი სატუმბი სადგური, გაკეთდა 18 კმ წყლის მაგისტრალური მილსადენი და 220 კმ შიდა გამანაწილებელი ქსელი.
ინფრასტრუქტურულ სამუშაოებს 80 მილიონ ლარზე მეტი მოხმარდა.
ქუთაისის მუნიციპალიტეტის მერია
ქუთაისი
