ბერნის მერიის შენობის თავზე 22 ივნისამდე საქართველოს დროშა იფრიალებს
20 ივნისი, 2020 14:35
პოლიტიკა
შვეიცარიისა და საქართველოს შორის დიპლომატიური ურთიერთობების 100 წლისთავის აღსანიშნავად, ბერნის მერიის შენობის თავზე სიმბოლურად აღიმართა საქართველოს სახელმწიფო დროშა და შესრულდა საქართველოს ეროვნული ჰიმნი.
ღონისძიებაში მონაწილეობა მიიღეს საქართველოს საელჩოს დროებითმა რწმუნებულმა ირაკლი ხუცურაულმა, ქ.ბერნის მერმა ალეკ ფონ გრაფენდინმა და მერიის საგარეო ურთიერთობების მიმართულების ხელმძღვანელმა - იურგ ვიხტერმანმა.
ბერნის სტუმრებს, მათ შორის შვეიცარიაში მყოფ თანამემამულეებს, 19 ივნისიდან 22 ივნისამდე საშუალება ექნებათ ქალაქის ცენტრალურ უბანში იხილონ საქართველოს ეროვნული დროშა.
წყარო:
საქართველოს საგარეო საქმეთა სამინისტრო / MFA of Georgia
შვეიცარია
