ბულგარეთმა საქართველო იმ ქვეყნების სიაში შეიყვანა, რომლის მოქალაქეებსაც შეუძლიათ ქვეყანაში შესვლა
საქართველოს საელჩო ბულგარეთში განცხადებას ავრცელებს:
"საქართველოს მოქალაქეთა საყურადღებოდ!
ბულგარეთის რესპუბლიკის ჯანდაცვის მინისტრის 2020 წლის 15 ივლისის ბრძანების თანახმად, საქართველო შეყვანილია იმ ქვეყნების სიაში, რომლის მოქალაქეებსაც შეუძლიათ შემოსვლა ბულგარეთის რესპუბლიკის ტერიტორიაზე.
აღნიშნული ბრძანება მოქმედებს 2020 წლის 16 ივლისიდან 31 ივლისის ჩათვლით.
ევროკავშირის წევრი და შენგენის სივრცის წევრი სახელმწიფოებიდან საქართველოს მიმართულებით მგზავრ საქართველოს მოქალაქეებს შეეძლებათ ბულგარეთის ტერიტორიაზე შესვლაც და მისი ტრანზიტულად გავლაც.
გამონაკლისს წარმოადგენს შვედეთის სამეფოსა და პორტუგალიიდან მომავალი პირები - მათ, ბულგარეთის ტერიტორიაზე შემოსასვლელად მოუწევთ ბოლო 72 საათის განმავლობაში ჩატარებული COVID ტესტის (PCR test) სერტიფიკატის წარმოდგენა, სადაც დაფიქსირებული იქნება უარყოფითი შედეგი (ანუ, მათ არ აქვთ კორონა ვირუსი).
ბულგარეთი
