ივლისში დანიშნულ სპეციალურ რეისებს ბერლინის მიმართულება დაემატა
16 ივლისი, 2020 12:44
საზოგადოება
სამოქალაქო ავიაციის სააგენტო სპეციალურ რეისებთან დაკავშირებით განახლებულ ინფორმაციას ავრცელებს:
"უცხოეთში მყოფი საქართველოს მოქალაქეების სამშობლოში ორგანიზებულად დაბრუნების მიზნით, საქართველოს მთავრობის ინიციატივით ივლისში დანიშნულ სპეციალურ რეისებს ბერლინის მიმართულება დაემატა. თბილისი - ბერლინი - თბილისის საჰაერო ხაზზე ფრენას ავიაკომპანია “MyWay Airlines”-ი 25 ივლისს შეასრულებს.
უწყებათაშორისი საკოორდინაციო საბჭოს მიერ განსაზღვრული ავიარეისი Boeing B737-800 ტიპის საჰაერო ხომალდით შესრულდება და ბილეთის ღირებულება არ იქნება 200 ევროზე მეტი.
ბილეთების შეძენა ავიაკომპანიის ვებ-გვერდზე - www.mywayairlines.com იქნება შესაძლებელი.
გერმანია
