საელჩო განმარტავს, აშშ-დან გამგზავრების შემთხვევაში, რომელი ქალაქებიდან არის შესაძლებელი ტრანზიტი, 17 ივლისის მონაცემებით

საქართველოს საელჩო აშშ-ში განცხადებას ავრცელებს:

"ივლისის თვეში უცხოეთში მყოფი საქართველოს მოქალაქეების სამშობლოში ორგანიზებულად დაბრუნების მიზნით, საქართველოს მთავრობის ინიციატივით სპეციალური რეისები დაინიშნა. ევროპის ქვეყნებიდან ავიარეისებს ავიაკომპანიები Myway Airlines და Wizz Air ახორციელებენ. მთავრობის გადაწყვეტილებით, აღნიშნულ სპეციალურ რეისებზე მგზავრობის საფასური არ აღემატება 200 ევროს. აშშ-დან გამგზავრების შემთხვევაში, ქვემოთ ჩამოთვლილი სპეციალური რეისების ქალაქებიდან ტრანზიტი შესაძლებელია რომიდან, პარიზიდან და ბერლინიდან.

ასევე, საერთაშორისო რეგულარული ფრენების სრულ აღდგენამდე საქართველოს მოქალაქეებს საქართველოში გამგზავრება დამატებით შეგიძლიათ დაგეგმოთ Georgian Airways ავიაკომპანიის კომერციული ჩარტერული რეისებით, რომელსაც ავიაკომპანია ივლისის თვეშიც ახორციელებს. აღნიშნული კომერციული ჩარტერული რეისების ჩამონათვალიდან, აშშ-დან გამგზავრების შემთხვევაში შეგიძლიათ ისარგებლოთ ამსტერდამისა და ვენის ტრანზიტით.

ამსტერდამის მიმართულება:

• 4 ივლისი, თბილისი – ამსტერდამი – თბილისი (გაფრენა 06:50, მოფრენა 17:15);
• 6 ივლისი, თბილისი – ამსტერდამი – თბილისი (გაფრენა 06:30, მოფრენა 17:15);
• 11 ივლისი, თბილისი – ამსტერდამი – თბილისი (გაფრენა 06:50, მოფრენა 17:15);
• 18 ივლისი, თბილისი – ამსტერდამი – თბილისი (გაფრენა 06:50, მოფრენა 17:15);
• 20 ივლისი, თბილისი – ამსტერდამი – თბილისი (გაფრენა 06:30, მოფრენა 17:15);
• 25 ივლისი, თბილისი – ამსტერდამი – თბილისი (გაფრენა 06:50, მოფრენა 17:15);
• 27 ივლისი, თბილისი – ამსტერდამი – თბილისი (გაფრენა 06:30, მოფრენა 17:15);

ვენის მიმართულება:

• 5 ივლისი, თბილისი – ვენა – თბილისი (გაფრენა 16:30, მოფრენა 00:10 +1);
• 12 ივლისი, თბილისი – ვენა – თბილისი (გაფრენა 16:30, მოფრენა 00:10 +1);

აშშ-დან გამგზავრების დაგეგმვისას, გაითვალისწინეთ რომ ტრანზიტის აეროპორტიდან, ისევე როგორც აეროპორტის შიგნით ტრანზიტის ზონიდან გასვლა არ მოგიწიოთ. ხოლო ტრანზიტის ხანგრძლივობა არ უნდა აჭარბებდეს 24 საათს! ასევე გაითვალისწინეთ, რომ აშშ-დან ფრენა სატრანზიტო ქალაქამდე უნდა იყოს პირდაპირი (არ მოგიწიოთ ევროპაში ორი გადაჯდომა).

ფრენების განრიგის დასაზუსტებლად და ბილეთების შესაძენად გთხოვთ დაუკავშრდეთ თავად ავიაკომპანიებს ან მიმართოთ ტუროპერატორებს.

დაბრუნებული მოქალაქეებისთვის კვლავ სავალდებულოა 14-დღიანი საკარანტინო პროცედურის გავლა.

ასევე გაცნობებთ, რომ საქართველოს მთავრობის ინიციატივით გერმანული ავიაკომპანია Lufthansa საქართველოს მიმართულებით — მიუნხენი-თბილისი-მიუნხენის რეგულარულ ფრენებს 2 აგვისტოდან განაახლდებს. ავიარეისები Airbus A319 ტიპის საჰაერო ხომალდით, კვირაში ორჯერ განხორციელდება.