ბათუმში ახალი საბავშვო ბაღი შენდება
20 ივლისი, 2020 15:03
საზოგადოება
ბათუმში, ლერმონტოვის ქუჩის #96-ის მიმდებარე ტერიტორიაზე საბავშვო ბაღის მშენებლობა მიმდინარეობს.
„მოგეხსენებათ, 2012 წლიდან, მას შემდეგ, რაც ქვეყნის მასშტაბით მუნიციპალური ბაღები უფასო გახდა, მოთხოვნაც გაიზარდა.
დღეს ბათუმის საბავშვო ბაღებში დაახლოებით 8 ათასზე მეტი აღსაზრდელია. 2013 წლიდან, ჯამში 18 საბავშვო ბაღის მშენებლობა და რეკონსტრუქცია განხორციელდა.
წლის ბოლოს ჩვენს ქალაქს კიდევ ერთი საბავშვო ბაღი შეემატება, რომელიც 200-ზე მეტ აღსაზრდელზე იქნება გათვლილი” - აცხადებს ბათუმის მერის მოვალეობის შემსრულებელი არჩილ ჩიქოვანი.
სამუშაოები ნოემბერში დასრულდება.
პროექტის ღირებულება 1 მილიონ 914 ათას ლარს შეადგენს.
ბათუმი
