ივლისის თვეში რიგაში ქართული ღვინის დეგუსტაციების ციკლი ჩატარდა
5 აგვისტო, 2020 12:34
ეკონომიკა & ბიზნესი
სსიპ ღვინის ეროვნულ სააგენტოსა და ლატვიურ მარკეტინგულ კომპანია “Tribe International”-ს შორის გაფორმებული ხელშეკრულების ფარგლებში, 2020 წლის ივლისის თვეში, ლატვიის დედაქალაქ რიგაში ქართული ღვინის დეგუსტაციების ციკლი გაიმართა, რომლის ფარგლებშიც ქართული ღვინო გაყიდვების სფეროსა და პრესის 50-მდე წარმომადგენელს წარედგინა.
სსიპ ღვინის ეროვნული სააგენტოს ერთ-ერთი ძირითადი საქმიანობა ქართული ვაზისა და ღვინის პოპულარიზაციის ხელშეწყობაა. დაგეგმილი ღონისძიებები ეხმარება ბალტიისპირეთის ბაზარზე ქართული ღვინის საექსპორტო პოზიციების გაძლიერებას.
სააგენტოს მხარდაჭერით, დეგუსტაციებზე წარდგენილი იყო ქართული ღვინის მწარმოებელი 70-მდე კომპანია.
წყარო:
ღვინო ლატვია
