ფეისბუქჯგუფი "ჩვენ ამერიკაში" ერთიან ბაზას ქმნის
ფეისბუქჯგუფი " "ჩვენ ამერიკაში"ერთიან ბაზას ქმნის.
"ხშირად გვეკითხებიან სხვადასხვა სფეროში დასაქმებულ ქართველებზე ენის ბარიერიდან გამომდინარე. ამიტომ გთხოვთ კომენტარებში გაგვიზიარეთ პიროვნების სახელი, გვარი, ტელეფონის ნომერი, რა სფეროში მუშაობს და რომელ შტატში. ბოლოს ეს ინფორმაცია შეიკრიბება, აიტვირთება და უფრო გაუადვილდებათ ჩვენს თანამემამულეებს საჭირო პიროვნების მოძებნა, - წერს ჯგუფის დამფუძნებელი გიორგი ნიკოლაიშვილი.
მაგალითისთვის, ეს ეხება ექიმებს, ბანკის თანამშრომლებს, სადაზღვევო კომპანიებს და ა.შ.
ცნობისათვის: "ჩვენ ამერიკაში" სოციალურ ქსელ "ფეისბუქის" ჯგუფია, რომელიც ამ დროისათვის 83 ათასზე მეტ წევრს ითვლის. ჯგუფი გიორგი ნიკოლაიშვილმა შექმნა, რომელიც თავადაც ემიგრაციაშია აშშ-ში. დაარსების დღიდან ჯგუფის დამფუძნებელი, მოდერატორებთან ერთად, უანგაროდ ეხმარება ემიგრაციაში მყოფ თანამემამულეებს დასაქმებასთან თუ საცხოვრებელ ადგილთან დაკავშირებული პრობლემების მოგვარებაში. გარდა ამისა, ჯგუფი საქველმოქმედო საქმიანობას ეწევა, წევრებს აცნობს ამერიკის ისტორიას.
აშშ
