ვლადიმერ პუტინი საქართველოსთვის ეკონომიკური სანქციების დაწესებაზე უარს ამბობს

წყარო: РИА Новости 

რუსეთის ფედერაციის პრეზიდენტი ვლადიმერ პუტინი საქართველოსთვის ეკონომიკური სანქციების დაწესებაზე უარს ამბობს. ინფორმაციას საინფორმაციო სააგენტო „რია ნოვოსტი“ ავრცელებს. „ამას არ გავაკეთებდი, სწორედ ქართველი ხალხის პატივისცემის გამო“, განუცხადა პუტინმა ჟურნალისტებს.

სულ ახლახან შეზღუდვების დაწესების ინიციატივით რუსეთის სათათბირო გამოვიდა. პრეზიდენტის გამონათქვამის შემდეგ სათათბიროში განაცხადეს, რომ სანქციებთან დაკავშირებული განცხადების გაუქმებას არ აპირებენ.

მინისტრთა კაბინეტში აცხადებენ, რომ უკვე გაეცნენ დოკუმენტს, თუმცა პუტინის აზრს გაითვალისწინებენ.

პრეზიდენტმა ასევე კომენტარი გააკეთა მისთვის შეურაცხყოფის მიმყენებელი ქართველი ჟურნალისტის მიმართ საქმის აღძვრაზე. „მეტისმეტი პატივია მისთვის  სისხლის საქმეების აღძვრა. კვლავაც გააგრძელოს მაუწყებლობა“, - დასძინა რუსეთის ფედერაციის პრეზიდენტმა.