ლეონიდ კალაშნიკოვი: "პუტინს საკუთარი თავის დაცვა ეუხერხულება, არადა, ასეთ სიტუაციაში ყოფნაც უხერხულია"

წყარო: РИА Новости

რუსეთის სახელმწიფო სათათბირო საქართველოსთან დაკავშირებულ განცხადებას არ გაიწვევს მას შემდეგაც კი, რაც რუსეთის ფედერაციის პრეზიდენტმა ვლადიმერ პუტინმა სანქციების შემოღების სურვილი არ გამოთქვა. ინფორმაციას საინფორმაციო სააგენტო „რია ნოვოსტი“ ავრცელებს. დოკუმენტი უფლებას აძლევს მთავრობას, საჭიროებისამებრ შეიმუშაოს საპასუხო ზომები. ამის შესახებ სახელმწიფო სათათბიროს დსთ-ს საქმეების კომიტეტის თავმჯდომარემ, ლეონიდ კალაშნიკოვმა განაცხადა.

ახლახან პუტინმა არ დაუჭირა მხარი საქართველოს მიმართ ეკონომიკური სანქციების დაწესებას, „ქართველი ხალხის მიმართ პატივისცემის გამო“.

„არა, არ გაიწვევს (სათათბირო). პუტინს საკუთარი თავის დაცვა ეუხერხულება, არადა, ასეთ სიტუაციაში ყოფნაც უხერხულია. ჩვენ ხომ განცხადებაში კონკრეტულად პუტინზე არ ვსაუბრობთ... ჩვენ იმას ვამბობთ, რომ თუ საქართველოს ხელისუფლება  წააქეზებს ამას, თუ ასე გაგრძელდება, მთავრობა ვალდებულია, ზომები მიიღოს. ჩვენ

სპეციალურად არ წავედით იმაზე, რომ კონკრეტული შემთხვევები მიგვეთითებინა“, განაცხადა კალაშნიკოვმა.

დამაზუსტებელ შეკითხვაზე, გულისხმობს თუ არა დოკუმენტი მინისტრთა კაბინეტისთვის უფლების მინიჭებას, საჭიროების შემთხვევაში საპასუხო ზომები მიიღოს, კალაშნიკოვმა დადებითი პასუხი გასცა.