ვლადიმირ პოზნერი: საქართველოში ახლა „ხმებისთვის ბრძოლა“ მიმდინარეობს, რომელშიც ის გაიმარჯვებს, ვინც უფრო მოხერხებულად გაათამაშებს რუსოფობიის ბანქოს

წყარო:  РИА Новости 

ჟურნალისტი ვლადიმირ პოზნერი ტელეკომპანია „რუსთავი-2“-ის ეთერში მომხდარ ინციდენტს გამოეხმაურა. ინფორმაციას საინფორმაციო სააგენტო „რია ნოვოსტი“ ავრცელებს.

„ნებისმიერ ქვეყანაში - ყოველ შემთხვევაში, ჩემთვის ნაცნობ ქვეყნებში - ჟურნალისტი, რომელიც თავს იმის უფლებას მისცემდა, რისი უფლებაც ბატონმა გაბუნიამ მისცა თავს, გათავისუფლებული იქნებოდა სამსახურიდან და ამ პროფესიით სამსახურს, სავარაუდოდ, ვეღარც იშოვიდა. პირადად ჩემთვის ბატონი გაბუნია ჟურნალისტი აღარც არის - არა ანტირუსული პოზიციისთვის, რომლის უფლებაც მას აქვს, არამედ ჟურნალისტიკის პრინციპების დარღვევისთვის“, - წერს პოზნერი თავის პერსონალურ ვებგვერდზე. 

„საქართველოში ახლა „ხმებისთვის ბრძოლა“ მიმდინარეობს, რომელშიც ის გაიმარჯვებს, ვინც უფრო მოხერხებულად გაათამაშებს რუსოფობიის კარტს“, აჯამებს ტელეწამყვანი.

შეგახსენებთ, რომ ტელეკომპანია "რუსთავი 2"-ის გადაცემა „პოსტსკრიპტუმის“ წამყვანმა გიორგი გაბუნიამ რუსეთის პრეზიდენტის ვლადიმერ პუტინის მიმართ რუსულ ენაზე არაეთიკური განცხადებები გააკეთა.