გივი მიქანაძემ სიერა-ლეონეს დელეგაციას საქართველოს პარლამენტის აპარატში განხორციელებული რეფორმები გააცნო
გივი მიქანაძემ სიერა-ლეონეს რესპუბლიკის პარლამენტის დელეგაციას საქართველოს პარლამენტის აპარატში განხორციელებული და მიმდინარე რეფორმები გააცნო
საქართველოს პარლამენტის აპარატის უფროსი, გივი მიქანაძე სიერა-ლეონეს რესპუბლიკის პარლამენტის დელეგაციას შეხვდა.
აპარატის უფროსმა, დელეგაციის წევრებს, მოქალაქეთა ჩართულობისა და პარლამენტის სასწავლო ცენტრის, ასევე, პარლამენტის ღიაობის, გამჭვირვალობის, ჩართულობის და ანგარიშვალდებულების შესახებ დეტალური ინფორმაცია მიაწოდა.
სიერა-ლეონეს საპარლამენტო დელეგაციის წარმომადგენლები დაინტერესდნენ პარლამენტის მობილური აპლიკაციით, რომელიც უახლოეს პერიოდში ფუნქციონირებადი გახდება და ინფორმაცია მიიღეს იმ მნიშვნელოვანი ფუნქციების შესახებ, რომლითაც მოქალაქეებს პარლამენტის საქმიანობაში ჩართულობის მეტი შესაძლებლობა ექნებათ.
„სტუმრებმა ცალსახად აღნიშნეს, რომ შთაბეჭდილებების ქვეშ არიან იმ რეფორმებით და მიღწევებით, რაც საქართველოს პარლამენტში ნახეს და რის შესახებაც მიიღეს ინფორმაცია. მათ გამოთქვეს სურვილი, რომ მსგავსი აქტივობები თავისი ქვეყნის პარლამენტში განახორციელონ. შესაბამისად, გვთხოვეს გამოცდილების გაზიარება, რაზეც, ჩვენი მხრიდან გამოითქვა სრული მზაობა, რომ ინფორმაცია მივაწოდოთ, გამოცდილება გავუზიაროთ და მაქსიმალური დახმარება გავუწიოთ“, - განაცხადა გივი მიქანაძემ შეხვედრის დასრულების შემდეგ.
