ხათუნა თოთლაძემ ჟენევაში საქართველოს ოკუპირებულ ტერიტორიებზე ბავშვის უფლებათა დაცვის თვალსაზრისით არსებულ მდგომარეობაზე ისაუბრა
ქალაქ ჟენევაში, ბავშვის უფლებათა კომიტეტის სესიის ფარგლებში, ბავშვთა ვაჭრობის, ბავშვთა პროსტიტუციის, ბავშვთა პორნოგრაფიის და შეიარაღებულ კონფლიქტში ბავშვთა მონაწილეობის შესახებ გაერო-ს ბავშვის უფლებათა კონვენციის დამატებითი ოქმების იმპლემენტაციის თაობაზე საქართველოს მიერ წარდგენილი ანგარიშები განიხილეს.
განხილვაში მონაწილეობა მიიღო საქართველოს დელეგაციამ საგარეო საქმეთა მინისტრის მოადგილის ხათუნა თოთლაძის ხელმძღვანელობით.
სიტყვით გამოსვლისას, ხათუნა თოთლაძემ მნიშვნელოვანი ყურადღება დაუთმო საქართველოს ოკუპირებულ ტერიტორიებზე ბავშვის უფლებათა დაცვის თვალსაზრისით არსებულ მძიმე მდგომარეობას და მათი უფლებების მიზნით ხელისუფლების მიერ განხორციელებულ ქმედებებს.
ასევე, დელეგაციის ხელმძღვანელმა ბავშვის უფლებათა კონვენციის დამატებითი ოქმების იმპლემენტაციის მიზნით საქართველოს ხელისუფლების მიერ განხორცილებული რეფორმები მიმოიხილა
კომიტეტის წევრების მხრიდან დადებითად შეფასდა საქართველოში განხორციელებული საკანონმდებლო რეფორმები.
შვეიცარია
